Naglunsad ang QCJMD ng proyektong “HEARTCYCLE,” isang makabagong inisyatibo kung saan gumawa ng isang heart-shaped trash bin at inilagay sa ibat ibang lugar sa pasilidad, at eksklusibong tapunan ng mga plastik na bote.

Layunin ng proyekto na maisaayos ang pangongolekta ng mga recyclable materials habang tumutulong din sa mga Persons Deprived of Liberty (PDLs). Ang malilikom na plastik ay ibebenta, at ang kikitain ay ilalaan para makabili ng mga bagong t-shirt ng mga PDLs na lalaya, simbolo ng kanilang bagong simula at pagbabagong buhay.